के विश्वविद्यालय ?
विद्यार्थी दलभक्त मात्र जसका छन् भित्र आफ्ना गुट के प्राध्यापक काम गर्न दलको पाइन्छ जिम्मा छुट। हाबी छन् दल या त सङ्गठनका चल्छन् जहाँ निर्णय ’विद्वान्’ को विधि मार्गचित्र नचले के विश्वविद्यालय ?
वासुदेव पाण्डेय :
नब्बे बेथितिग्रस्त एक सयमा छन् ठिक्क बाँकी दश
हुन्छन् उद्यत जो बिगार्न पहिले खोज्ने तिनैले जस ।
छन् मानूँ तरु-काण्ड भित्र धमिरा विध्वंसमा तल्लय
आफैँ रुग्ण अशक्ततुल्य थलिए के विश्वविद्यालय ?
प्रज्ञाचेत न सोधखोज गहिरो सिद्धान्त आकर्षण
विद्यार्थी जति देशबाहिर गए छन् शेष नेता गण।
पार्टीभक्त र छट्टु मात्र पदमा पुग्छन् सधैँ निर्भय
भर्ती-केन्द्र भए विभिन्न दलका के विश्वविद्यालय ?
आफ्ना माग र भागनिम्ति महिनौँ ताला लगाएपछि
नेताले पनि भातृ-सङ्गठन हुन् भन्दै सघाएपछि।
’विद्या-आलय’ अर्थ खुम्चिन गई आफ्नो गुमाए लय
शिक्षा, ज्ञान-प्रकाश छर्न नसके के विश्वविद्यालय ?
विद्यार्थी दलभक्त मात्र जसका छन् भित्र आफ्ना गुट
के प्राध्यापक काम गर्न दलको पाइन्छ जिम्मा छुट।
हाबी छन् दल या त सङ्गठनका चल्छन् जहाँ निर्णय
’विद्वान्’ को विधि मार्गचित्र नचले के विश्वविद्यालय ?
छन् क्यालेन्डर,लागु गर्न नसकी पर्छन् स्वयम् नै थला
चुक्छन् जाँच लिई निकाल्न नतिजा बढ्दो छ यो शृङ्खला।
जो हुन्छन् असमर्थ गर्न जनको गन्तव्य-यात्रा तय
गर्ने शासन योग्य-माथि शठले के विश्वविद्यालय ?
०००
सुर्खेत