नेपाली हास्यव्यङ्ग्य अनलाइन पत्रिका

युवराज भण्डारी :

नसोच साथी शङ्कै शङ्काको जालो हो
जिन्दगी त एक एक पलको सँगालो हो ।

जनताले हात पक्रिँदा नजङ्गिनू नेताज्यू
वास्तवमा हजुरको समात्नुपर्ने कठालो हो ।

उहाँको रगतको रङमा सन्देह नगर मित्र
अरू केही हैन श्रीमानको विचार कालो हो ।

उहाँलाई योग्यता किन चाहियो र हजुर
उहाँ त बहालवाला मन्त्रीज्यूको सालो हो ।

भैगो उसको सामु समथरको धक्कु नलगाऊ
सम्म हैन लालीगुराँसको रोजाइ भिरालो हो ।

०००
(भर्खरै प्रकाशित गजलसङ्ग्रह ‘भावनाको तस्वीर’ बाट)