रुद्र ज्ञवालीतीन ठोक्तक
समस्या पर्दा समाधानको जरिया बन्नु रहेछ बिना घोषणा एक वफादार करिया बन्नु रहेछ सजिलो रहेनछ बाबु बनेर प्रमाणित हुन पनि नमर्दासम्म बेतलबी लाचार भरिया बन्नु रहेछ ।
रुद्र ज्ञवाली :
१.
आरम्भमा होला कि मुख्य भेद आखिरमा होला
शृङ्गारमा होला कि भावार्थ संवेदना पिरमा होला
टिप्पणी वाहवाहका देखेर कहिलेकाहीँ सोच्छु म
वाह वाह सिर्जनामा कि कामुक तस्विरमा होला ।
२.
मस्तिष्कले सिकाएसरि दुरूस्त गर्न मनले मान्दैन
उमेरले नौडाँडा काटिसक्यो रहरले त्यस्तो ठान्दैन
लाग्छ फुलेको कपाल रङ्गाऊँ ऐनासँग बेइमानी गरूँ
चाउरी परेको छालाले परन्तु बेइमानी गर्न जान्दैन ।
३.
समस्या पर्दा समाधानको जरिया बन्नु रहेछ
बिना घोषणा एक वफादार करिया बन्नु रहेछ
सजिलो रहेनछ बाबु बनेर प्रमाणित हुन पनि
नमर्दासम्म बेतलबी लाचार भरिया बन्नु रहेछ ।
०००
भैरहवा ।
