मरुभूमि नारायणटिकटक
टिकटक बन्दपछि होशमा छन् वा बेहोशमा छन् सुगुरसँगै डाम्नो बैतरणी तर्यो भन्छन् साथीहरू ।
मरूभूमि नारायण :
गर्न नि टिकटकले उपद्रो गर्यो भन्छन् साथीहरू
झर्न पनि डलरकै डोको झर्यो भन्छन् साथीहरू ।
नयाँलाई हवात्तै ल्यायो पुरानोलाई स्वात्तै बगायो
टिकटक त अल्पायुमै मर्यो भन्छन् साथीहरू ।
हेर बिजोग कत्तिका जोई छुटे कत्तिका पोइ छुटे
फेरि कत्तिको झिंगे लभ पर्यो भन्छन् साथीहरू ।
सेता तिघ्रा देखाएर कत्तिले ऊ त्यो सम्म हल्लाए
भीरको फल देखाइ मनै हर्यो भन्छन् साथीहरू ।
मान्छे लाइभमा आयो पाकेका फलफूल देखायो
साँढेको फल मुखै नपरी टर्यो भन्छन् साथीहरू ।
टिकटकमा आईमाई आए न गुन्यू समाए तिनले
बिर्से सारा वस्त्र मुन्तिर सर्यो भन्छन् साथीहरू ।
टिकटक बन्दपछि होशमा छन् वा बेहोशमा छन्
सुगुरसँगै डाम्नो बैतरणी तर्यो भन्छन् साथीहरू ।
०००
तनहुँ
