मरुभूमि नारायणहोला जस्तो छ
जति नै उफ्रे पनि कछुवा भूईंको भूईं हुन्छ टोले गुण्डा आफै थर्कमान होला जस्तो छ ।
मरुभूमि नारायण :
यो पापी शहरमा घमाशान होला जस्तो छ
दानव र मानवको हानाहान होला जस्तो छ ।
एकले अर्को देख्दा जाइ लाग्छन् यिनीहरू
लुरे र जुरेको टुप्पी तानातान होला जस्तो छ ।
कुनले कुनलाई पछार्छ थाहा छैन अहिले नै
तर गल्ती चाहिंँ जानाजान होला जस्तो छ ।
प्रत्यक्ष रुपमै छन् उस्काउने र फुस्काउनेहरू
आखिर दले नै पो जजमान होला जस्तो छ ।
जति नै उफ्रे पनि कछुवा भूईंको भूईं हुन्छ
टोले गुण्डा आफै थर्कमान होला जस्तो छ ।
आखिर जीत जनकै हो जीत सत्यकै हुन्छ
गाँडो गणतन्त्रको अवशान होला जस्तो छ ।
०००
तनहुँ
