शरण खत्री 'मृदुल'भत्ताहरूमा चरिरहेछ सरकार
भुकम्प पीडित सुत्केरी र शिशु धमाधम मरिरहेछन् चिसोमाथि चिसो थप्ने सान्त्वना छरिरहेछ सरकार ।
शरण खत्री ‘मृदुल’ :
सत्ताकै मोह जालमा एकोहोरो परिरहेछ सरकार
उकालो भन्दै दिनदिनै ओरालो झरिरहेछ सरकार ।
गाँस बास नपाई यता तड्पिरहेछन् मानिसहरू
जम्बो टोलीमा उता विदेश सयर गरिरहेछ सरकार ।
रित्ता पेटहरू जनताका सारंगी बजाइरहेछन् तर
भरिएका आफ्नाहरूकै पेट भरिरहेछ सरकार ।
भुकम्प पीडित सुत्केरी र शिशु धमाधम मरिरहेछन्
चिसोमाथि चिसो थप्ने सान्त्वना छरिरहेछ सरकार ।
दुई छाक टार्न गरीबलाई भने धौ धौ पर्छ यहाँ
अनेक नामका भत्ताहरूमा चरिरहेछ सरकार ।
०००
दावाँ, भोजपुर
Subscribe
Login
0 Comments
Oldest
