नेपाली हास्यव्यङ्ग्य अनलाइन पत्रिका

कृष्णप्रसाद गौतम :

१.
टिकटकले विरोध बोल्यो हटाएकै राम्रो
खाँदा पनि पेट दुख्ला नखाएकै राम्रो
हात काट्यो खुकुरीले आरन बन्द गर
नियमनले झन्झट देला नल्याएकै राम्रो ।

२.
रुख चड्दा लडिन्छ कि फेदै ढाल्नु पर्छ
फल फूल टिपी दिने बाँदर पाल्नु पर्छ ।
बस झर्छ त्रिशुलीमा गाडी किन्नु किन ?
जेजेमा छ खतरा त्यो सबै फाल्नु पर्छ !

३.
नम्बर एक हुनलाई पार्टी फोड्नु पर्छ
ठूलो कुर्सी नपाएमा गुटै छोड्नु पर्छ
खाएको ऋण तिर्नु पर्ने कस्तो लोकतन्त्र ?
कर छल्न सक्नेसँग आन्द्रै जोड्नु पर्छ !

०००
इटहरी, सुनसरी ।