शरण खत्री 'मृदुल'थारा भैँसी पाल्छौँ हामी
सिर्जनाका बीउ फल्ने उर्वर ऋतु गुमाईगुमाई, कहिल्यै पेट नअघाउने गफको खेती थाल्छौं हामी।
शरण खत्री मृदुल :
नचिनेर देउतालाई ढुङ्गा भनी फाल्छौँ हामी,
सभ्यताको नाउँमा आफ्नै संस्कृतिलाई बाल्छौँ हामी।
समय यो घर्किरहन्छ हतार छैन कहिल्यै पनि,
अरूहरूले ठेलेपछि बल्ल पाइला चाल्छौँ हामी।
नाफाघाटासँग हाम्रो त्यति सरोकार छैन,
कहिल्यै दूध नपियाउने थारा भैँसी पाल्छौँ हामी।
सिर्जनाका बीउ फल्ने उर्वर ऋतु गुमाईगुमाई,
कहिल्यै पेट नअघाउने गफको खेती थाल्छौँ हामी।
०००
दावाँ, भाेजपुर
Subscribe
Login
0 Comments
Oldest
