नेपाली हास्यव्यङ्ग्य अनलाइन पत्रिका

अमर सन्तति :

१.
मानो पाथी मुरी सधैँ भर्ने गर्छु म त
आफू मात्रै रम्नेतिर सर्ने गर्छु म त
जनता र देशकै लागि लडेको भन्दै,
जता मल्खु उतै ढल्कु गर्ने गर्छु म त ।

२.
उहाँ कालो दौलत धन साँच्दै हुनुहुन्छ
मोजमस्तीको जीवन बाँच्दै हुनुहुन्छ
अझै झुक्याउँने पासा फ्याँक्ने दाउ हेर्दै,
फेरि पनि जनताको मन जाँच्दै हुनुहुन्छ ।

३.
आफ्नै लोभ र स्वार्थको अलमलमा हुनुहुन्छ
हारको चिन्ता र जितको खलबलमा हुनुहुन्छ
देशको चिन्ता र सेवा गर्ने कहाँ हो र उहाँ ?
मतलबी सानो झुण्डको दलदलमा हुनुहुन्छ ।

०००
भक्तपुर