नेपाली हास्यव्यङ्ग्य अनलाइन पत्रिका

शरण खत्री ‘मृदुल’ :

१.
सत्ताको हुङ्कार जसको उसैको सुशासन रे
पदको अहङ्कार जसको उसैको सुशासन रे
नारा मात्र रटेर के गर्नु र असल शासनको
मूल मन्त्र भ्रष्टाचार जसको उसैको सुशासन रे।

२.
सक्नेले मान्छे कुटिरहेकै छन् यहाँ
लुट्नेले देश नै लुटिरहेकै छन् यहाँ
कानून र जेल नै किन चाहियो अब
अपराधी धमाधम छुटिरहेकै छन् यहाँ।

३.
होचै रूख हो यहाँ अग्लोको सामू छेलिने
युध्दमा सिपाही नै हो अघि अघि ठेलिने
न्याय र समानताको के कुरा गर्नु महासय
सानै मान्छे हो यहाँ हर ठाउँमा पेलिने ।

०००
दावाँ, भोजपुर