नेपाली हास्यव्यङ्ग्य अनलाइन पत्रिका

काशीनाथ मिश्रित :

आङको छारो कन्याउँदै छ प्रजातन्त्र दिवस
ठसठसी गनाउँदै छ प्रजातन्त्र दिवस !

लोकतन्त्र गणतन्त्र के के आइसकेको छ
इतिहास त जनाउँदै छ प्रजातन्त्र दिवस

औचित्य र अस्तित्वको खोल ओढ्न खोज्यो होला !
एक दिन विदा मनाउँदै छ प्रजातन्त्र दिवस !

आफ्नै मुखले भन्न साह्रै लाज लागेर होला
अरुबाट भनाउँदै छ प्रजातन्त्र दिवस !

गाउँगाउँमा बनिसके सिंहदरबार थुप्रै !
अरु के के बनाउँदै छ प्रजातन्त्र दिवस ??

०००
गुल्मी