तीन ठोक्तक
शराव शवाव कवाव भनसुन भित्री खामले चल्दैछ चाकरी चाप्लुसी चम्चागिरि यस्तै आयामले चल्दैछ किन चाहियो उद्योग व्यापारका मेला महोत्सव कुनै जुन देशमा भ्रष्टाचारको महोत्सव धुमधामले चल्दैछ ।
रुद्र ज्ञवाली :
१.
घुर्नेहरू मस्त घुर्दैछन् कस्तो विडम्बना
देश सबै मिली तुर्दैछन् कस्तो विडम्बना
मलामीहरू लास कुर्थे त्यो बेला तर ऐले
लाशले मलामी कुर्दैछन् कस्तो विडम्बना ।
२.
दुबो पलाएछ ढलानमा कसरी हेर्नू र खै
युवा मुग्लान चलानमा कसरी हेर्नू र खै
गाउँमा सिँहदरबारको गफ हान्ने महाशय
सिरु उम्रेको छ दलानमा कसरी हेर्नू र खै !
३.
शराव शवाव कवाव भनसुन भित्री खामले चल्दैछ
चाकरी चाप्लुसी चम्चागिरि यस्तै आयामले चल्दैछ
किन चाहियो उद्योग व्यापारका मेला महोत्सव कुनै
जुन देशमा भ्रष्टाचारको महोत्सव धुमधामले चल्दैछ ।
०००
भैरहवा