नेपाली हास्यव्यङ्ग्य अनलाइन पत्रिका

चिरञ्जीवी दाहाल :

लुट्नेहरू सबैले, डालो लिएर जाऔँ
एक्लो भए छोरा औ, सालो लिएर जाऔँ

रोकेर हेर्नलाई, को सक्छ यो जगत् मा
दागी मुहार छोप्ने, टालो लिएर जाऔँ

छोपेर बेस मौका, निर्दोष बन्नुपर्छ
रूपै बदल्नलाई, कालो लिएर जाऔँ

भान्से सबै बनौँला, पर्दैन शोक गर्न
कुर्दै बसौँ सबैले, पालो लिएर जाऔँ

लुट्नै भनेर हामी, जन्म्यौँ यही धरामा
कुट्नै परे नभागौँ, भालो लिएर जाऔँ

०००
चितवन ।