धनराज गिरीउखु भनी समाएछौ ढोड !
तिमी कर्ण, स्वाभिमानी, कौन्तेय हौ पक्का ! सङ्गतमा शकुनि छ, छिटो नाता तोड !!
धनराज गिरी :
मेरो जिउमा सुके लुतो, मेरो कुरा छोड !
तिम्रो जिउमा देखेको छु दादामाथि कोढ !
मलाई सानो रुघाखोकी थियो, अब छैन !
निमोनिया तिमीलाई बाक्लो सिरक ओढ !
एक पेपर ब्याक मेरो, पढ्छु, लाग्छु पार !
सातै पेपर गयो तिम्रो अब यात्रा मोड !
मेरो आँगन, आहा हेर, बोट तुलसीको !
तिम्रो मनाँगनमा गन्धेझार अति, गोड !
तिमी कर्ण, स्वाभिमानी, कौन्तेय हौ पक्का !
सङ्गतमा शकुनि छ, छिटो नाता तोड !!
मेरो भागमा आहा उखु,अझ पहाडको !
अभागी हौ, उखु भनी समाएछौ ढोड !
मेरो मार्ग भुमहीदेखि भैरहवाजस्तो !!
तिम्रो किस्मत उबडखावड उही बाइरोड !
०००
चितवन, हाल क्यानडा
Subscribe
Login
0 Comments
Oldest
