नेपाली हास्यव्यङ्ग्य अनलाइन पत्रिका

सुदन लुइटेल :

आफैले आफैलाई अविश्वास गर्ने दिन पनि आउँदो रहेछ
लगौटी भए नि लगाउछु रे धोती फुस्किसकेसि बताउँदो रहेछ

सुशासन भएन कुशासन भयो भनेर आफै स्विकार गरेसि
कुशासककै नेतृत्वमा सुशासन आयोग गठन गर्न पाउँदो रहेछ

तार चोरेको सम्झिनेले महाकाली बेचेको बिर्सन कसरी मिल्छ ?
आफूले लुटिरहँदा अर्को लुटेरा आयो भन्दै कराउँदो रहेछ

पढेलेखेका दास कार्यकर्ताहरु विरोध गर्दैनन् स्वार्थको लागि
आफ्नो मुखिया नाङ्गै हुँदा पनि ताली बजाउँदो रहेछ

पार्टीका कार्यकर्ता शिक्षकले पनि अविश्वास गर्न थालेसि
खाइपाइ आएको कुर्सिनै हल्लाउँछ कि भनि सताउँदो रहेछ ।

०००
तीनथाना, काठमाडाैं