मरुभूमि नारायणथुन्दे सरकार
जसले बोल्दछ झोलेको झोला बिरुद्ध त्यसलाई पार लम्पसार थुन्दे सरकार ।
मरुभूमि नारायण :
प्रश्न सोध्नै हुन्न पत्रकार थुन्दे सरकार
कपि गर्नै हुन्न कलाकार थुन्दे सरकार ।
किन यसरी संयमित भएको होल हगि
यै पारा हो भने समाचार थुन्दे सरकार ।
हुन त नैतिकता नहराएको देश हो मेरो
अब त सत्भाव सदाचार थुन्दे सरकार ।
जो बोल्छ निष्पक्ष त्यसैगरी सत्य कुरा
त्यसलाई झन लगातार थुन्दे सरकार ।
यो देशमा अपराधीले न्याय पाउनुपर्छ
देशमा जो हुन्छ बफादार थुन्दे सरकार ।
ज्यानमारा छुट्छ भरष्टचारी नि छुट्छ
जनलाई छँदैछ कारागार थुन्दे सरकार ।
जसले बोल्दछ झोलेको झोला बिरुद्ध
त्यसलाई पार लम्पसार थुन्दे सरकार ।
विसंगतिको बिरुद्धमा जो अगि सरि
दिन्छ है भाषण दमदार थुन्दे सरकार ।
घुसखोरी भ्रष्टाचारीले कुटी बनाइसके
अर्बौं खाने होइन प्रश्न सोध्नेलाई थुन्दे सरकार।
मरेको सरकारको शवको भाँजो हाल्न
जो आइरहन्छ बारम्बार थुन्दे सरकार ।
०००
तनहुँ
Subscribe
Login
0 Comments
Oldest
