किशन पाैडेलसमसामयिक तीन ठोक्तक
कहाँ गए जून तारा टिपेर झारी दिन्छु भन्नेहरू हेर्नुस् आज तिनै अनुहारहरू कुहेर गलित भए ।
१
मलाई यो घाम, जून र चन्द्र उस्तै लाग्छ
यी धामी झाँक्री नेताका मन्त्र उस्तै लाग्छ
फेरिँदैन कहिल्यै तिनीहरूका रूप र चरित्र
जुन तन्त्र आए पनि यो यन्त्र उस्तै लाग्छ !
२
ठेकी त्यही नै हो मदानी पनि त्यही हो
दही मथेर जम्मै घ्यू खानी पनि उही हो
सधैँ जुध्ने र लड्ने त भेडाबाख्राहरू हुन्
घ्यू र तरबार बेच्ने व्यापारी कुन सही हो ?
३
यहाँ कोही आफ्नै बिचारबाट विचलित भए
उत्कर्षमा नपुग्दै महिषासुरहरू स्खलित भए
कहाँ गए जून तारा टिपेर झारी दिन्छु भन्नेहरू
हेर्नुस् आज तिनै अनुहारहरू कुहेर गलित भए ।
हेटौंडा
Subscribe
Login
0 Comments
Oldest
