नेपाली हास्यव्यङ्ग्य अनलाइन पत्रिका

भोलानाथ सुवेदी :

१
यहाँ बत्ती नभएपछि टावर पनि हुँदैन
आफ्ना नभएपछि पावर पनि हुँदैन
सबै शक्तिको पछाडि दौडिएपछि
शक्ति दिनेमा पनि शक्ति हुँदैन ।

२
हिसाबमा गडबडी भयो भन्ने आरोप छ
सुनलाई लसुन बनाए भन्ने आरोप छ
भ्याट लागेको प्याज काटेर आएका अरे
बेकसुरमा धरधरी रोयो भन्ने आरोप छ ।

३
उहाँ आलु रोपेर पिँडालु खोज्नु हुन्छ
हातले तालु छामेर मायालु भन्नू हुन्छ
चेत उहाँको अगाडि नै हराइसकेको हो
भद्रगोल भयो भनेर अनेक गर्नु हुन्छ ।

४
यता छाम्दा उता दुख्ने व्यथा लाग्यो अरे
सबलाई पालैपालो ज्यादा लाग्यो अरे
रुघा लागी विदेश जानु भएकोथ्यो उहाँ
जिरा पानी तीन पटकमा सबै भाग्यो अरे ।

०००
९८४३०५४१६१