नेपाली हास्यव्यङ्ग्य अनलाइन पत्रिका

अमर सन्तति :

१.
जनता तपाईंका दास हुन् हकार्नुस्
पराई तपाईंका आस हुन् सकार्नुस्
जनताका रगत पसिनाले भरिएका
ढुकुटी तपाईंका खास हुन् डकार्नुस् ।

२.
फुटेको त्यो हाँडी जोडियो अब के हुने हो ?
सुकेको त्यो झाडी गोडियो अब के हुने हो ?
ढोकामा चालक अनि सिटमा खलासी छ ,
अप्ठ्यारोमा गाडी मोडियो अब के हुने हो ?

३.
कहिले यता कहिले उता गर्दै फुर्सद छैन मलाई
शिर झुकाई पाउतिर झर्दै फुर्सद छैन मलाई
पद पैसा नै ठूलो लाग्छ, बस जनता चुप सधैँ ,
ठूलाबडा जनको पाउमा पर्दै फुर्सद छैन मलाई ।

०००
रामेछाप, हालभक्तपुर