रुद्र ज्ञवालीतीन ठोक्तक
मञ्च पायो कि त हुँदा नहुँदा गन्थन् प्यारप्यार गर्नुहुन्छ औँला चाट्न पाए अनैतिकताका सीमाना पार गर्नुहुन्छ विकृति, विसंगतिको घनचक्कर छ त्यो बिर्सेर कविज्यू सधैभरी कति रतिराग र मात्रै आँसुको व्यापार गर्नुहुन्छ ।
रुद्र ज्ञवाली :
१.
कोसेली सजाउन चढाइने कुनै र्यापर पनि हैन
नोकर हैन दुनियाँलाई हसाउने जोकर पनि हैन
फोटो खिच्न पर्याप्त छन् क्यामरा र स्टुडियोहरू
लेखक केवल फोटो खिच्ने फोटोग्राफर पनि हैन ।
२.
काम लिनु रहेछ भने प्रशंसाले धुरीमाथि चढाउँछन्
रोजगारी छैन करमाथि निरन्तर कर मात्रै बढाउँछन्
अधोगति नभएर मुलुकको प्रगति कसरी हुन्छ यहाँ
जहाँका विश्वविद्यालय फगत बेरोजगारी पढाउँछन् ।
३.
मञ्च पायो कि त हुँदा नहुँदा गन्थन् प्यारप्यार गर्नुहुन्छ
औँला चाट्न पाए अनैतिकताका सीमाना पार गर्नुहुन्छ
विकृति, विसंगतिको घनचक्कर छ त्यो बिर्सेर कविज्यू
सधैभरी कति रतिराग र मात्रै आँसुको व्यापार गर्नुहुन्छ ।
०००
भैरहवा
Subscribe
Login
0 Comments
Oldest
