नेपाली हास्यव्यङ्ग्य अनलाइन पत्रिका

अमर सन्तति :

१.
खै किन हो ? मेरो र तिम्रो तालमेल मिल्दैन ।
नियमसङ्गत गर्न तिम्रो फोहोरी खेल मिल्दैन
कसरी हुन सक्छ र सहकार्य हामी बीचमा ?
मेरो सोझोपन र तिम्रो त्यो जालझेल मिल्दैन ।

२.
खायौ पकाएर अझै पोलेर खाऊ
हाली नुन चुक खुर्सानी मोलेर खाऊ
बाँकी छ देशको यो कङ्काल केवल,
हे पापी हो त्यो पनि घोटेर घोलेर खाऊ ।

३.
बेचेर खाइसकिस् आफ्नो पन जति
अझै बेच्दै जा इमान जमान छन् कति
के बस्छस् तँ खुसी भई रित्याएर सारा
बनी जिउँदो लासझैँ हे अमर सन्तति ।

०००
रामेछाप, हाल काठमाडौं