नेपाली हास्यव्यङ्ग्य अनलाइन पत्रिका

बिनुबाबा घिमिरे :

१. देखे कर्के पर्न थालेँ
लेखेपछि मेट्न थालेँ
लेख्दा लेख्दै देख्दा देख्दै
व्यङ्ग्य हानी छेड्न थालेँ ।

२. साठी वर्ष अघिदेखि त्यै काठकै फलैंचा छ
बिसौवर्ष अघिदेखि मेरो यौटै गलैंचा छ
रहरमा गलैंचा र फलैंचा नै फेर्नु थियो
फेर्न खोजौँ तर रोक्ने नगदको मैचा पो छ ।

३. व्यहोर्नु नै नपरेको डाँड पनि लाग्यो
आज मैले नपिएको जाँड पनि लाग्यो
कल्याण नै गरौँ भनी मैले हिँड्दा हिँड्दै
शरीरमै नभएको गाँड पनि लाग्यो ।

४. हुलमुलमा बचाउ जिउ
अनिकालमा बचाउ बीउ
बाजे भन्थे पहिले पहिले
सोझो आौँलाले आउँदैन रे घिउ ।

०००
कलङ्की, काठमाडाैं