नेपाली हास्यव्यङ्ग्य अनलाइन पत्रिका

साधुराम खड्का :

जनता सबै लखेटेर कार्यकर्ता पाइने देश
नून मात्र हैन किलाेका किलाे सुन भित्र्याउने देश
कलकारखाना किन चाहियाे र हजुर
कराेडाैँ रकम मालबाहक गाडीमा पारवहन गर्ने देश
भेट्दा सुन भेटिने जाँच्दा तामा हुने देश
सबै व्यापार सकेर मान्छेकै व्यापार गर्न खाेजेकाे देश
छाेरा बेचेर नाेकर पालिरहेकाे नाैटंकीकाे देश
हरप्रहर जनतालाइ भुलभुलैया पारिरहने देश
खै कसले कहाँबाट कसरी
चलाइरहेकाे याे देश
गाई बगाएर गधाहरु पालिरहेकाे देश
छन्दभेदी र रंगभेदी मिलि
लुछचुँडी गरिरहेकाे देश
कसैलाइ बाल मतलबै छैन
आफ्नै सुरमा लरखराउँदै हिँडेकाे देश
विश्व मानचित्रमा धुमिल हुँदै गएकाे देश
राम्रालाइ शून्य नं. दिँदै लखेट्दै
हाम्रालाइ समेट्दै गरेकाे देश
सुनकाे कचाैरा लिएर
भीख मागिरहेकाे देश ।

०००
बुढानीलकण्ठ, काठमाडाैं