नेपाली हास्यव्यङ्ग्य अनलाइन पत्रिका

अमर सन्तति :

१.
गन्तव्यहीन त्यो यात्रा चलायौ
हदम्यादको ठूलो मात्रा चलायौ
धज्जी उडाई लोकतन्त्रको नै,
काँही नभएको जात्रा चलायौ ।

२.
कोही हान लाठी मुङ्ग्री, कोही फाल ज्यान
कोही गर नारा जुलुस, कोही थाल ध्यान
आखिर सत्ता पाएपछि उस्तै हुन्छ चाला,
कोही गर गहन विवेचना, कोही पाल ज्ञान ।

३.
कति छिटो अघि सरूँ गर्छन् झनै यी त
बीउ नै पो मासी हरूँ गर्छन् झनै यी त ।
यिनले त केही गर्लान् भन्ने थियो आशा,
तातै खाऊँ जल्दै मरूँ गर्छन् झनै यी त ।

०००
भक्तपुर