फित्काैली डटकमतीन ठाेक्तक
इमान्दार हुनु भनेको हाँसको फौजमा बक्कुलो बन्नु रहेछ त्यसैले म प्रिय भएको हो पित्तललाई सुन भनेर बिकाएपछि ।
हिरा खड्का अधिकारी :
१.
भक्कानो फुट्दो रहेछ जिन्दगीले बारबार हिर्काएपछि
म बुझ्ने भएको छु परिस्थितिले जिन्दगी लेख्न सिकाएपछि
इमान्दार हुनु भनेको हाँसको फौजमा बक्कुलो बन्नु रहेछ
त्यसैले म प्रिय भएको हो पित्तललाई सुन भनेर बिकाएपछि ।
२.
अङ्गालोमा बेरेर पिठ्यूमै छुरा धस्छन कसरी
मुटु छिया छिया पार्नेहरू मुटुभित्रै बस्छन् कसरी
दुध पिएर विष ओकल्ने साँपभन्दा सयौँ गुणा
कडा विष छर्की मान्छेले मान्छेलाई डस्छन कसरी ?
३.
सबै भित्र ईर्ष्या देख्छु, अनौठो जलन देख्छु
विरोध गर्नु राजनीति हो भन्ने प्रचलन देख्छु
अचम्म!राजनीति पनि बुझेर बुझिसक्नु छैन
देखिने दाँतभित्र चपिने दाँतको दलन देख्छु।
०००
सुन्दरहरैँचा, माेरङ
राम्रो विचार