नेपाली हास्यव्यङ्ग्य अनलाइन पत्रिका

अमर सन्तति :

१.
जी हजुरी गरी गरी बोल्न जान्दिनँ म
हार्छु बरु, अरुलाई पोल्न जान्दिनँ म
स्वाभिमानी शिर मेरो झुकाएर हजुर,
चाकरीका हातहरु मोल्न जान्दिनँ म ।

२.
छनलाई त आफ्नै आफन्त छन् वरिपरी
तर पनि बचनले मन रुवाउछन् घरिघरी
खपेर नै बस्नु पर्ने बाँडिदैन के गरूँ खै !
पीर एक नसकिँदै आउने गर्छन् थरिथरी ।

३.
नाफा खान पल्किएको बेपारे बन्न आउँदैन
मुखले ठिक्क कामले भने चेपारे बन्न आउँदैन
मौसम अनुसार परिवर्तन हुनुपर्छ भन्छौ तिमी ,
रङ बदलिई रहने मलाई छेपारे बन्न आउँदैन ।

०००
भक्तपुर