सुलसुलेसानु खनाल र मिथिला अधिकारीको संयुक्त मुक्तक वाचन
सर्जक तुलसी घिमिरेको प्रमुख आतिथ्य रहेको कार्यक्रमको सभाध्यक्ष मुक्तक मञ्च मकवानपुरका अध्यक्ष डीबी बर्तौलाले गर्नुभएको हो भने मञ्चको ११औँ विशेष शृङ्खलामा उहाँहरूले १०/१० वटा मुक्तकहरू वाचन गर्नु भएको हो ।
हेटौँडा, ०८० श्रावण २७ । मुक्तक मञ्च मकवानपुरले मुक्तककारद्वय सानु खनाल र मिथिला अधिकारीको संयुक्त मुक्तक वाचन कार्यक्रम आयोजना गरेको छ ।
शनिबार सर्जक तुलसी घिमिरेको प्रमुख आतिथ्य रहेको कार्यक्रमको सभाध्यक्ष मुक्तक मञ्च मकवानपुरका अध्यक्ष डीबी बर्तौलाले गर्नुभएको हो भने मञ्चको ११औँ विशेष शृङ्खलामा उहाँहरूले १०/१० वटा मुक्तकहरू वाचन गर्नु भएको हो ।
मुक्तक सर्जकहरू देवराज तिवारी, केशव समर्पण, हेमन्त ढुङ्गेल, समीर पाख्रिन, सुवास सजल, चिरञ्जीवी लामिछाने, ओमभक्त भण्डारी, रजनी पौडेल, सागर तिमल्सिना र बैकुण्ठ लामिछानेले आफ्ना दुई/दुई मुक्तक वाचन गर्नुभयो ।
कार्यक्रममा सर्जक सञ्जाल मकवानपुरका संयोजक निमेष निखिलले मुक्तकले बिन्दुमा सिन्धु अटाउने अनुभूति ल्याउनुपर्ने विचार राख्नुभयो ।
कार्यक्रममा साहित्य सर्जकहरू महाकाव्यकार मुना अर्याल, झरना साहित्य परिवारका अध्यक्ष विश्वनाथ सञ्जेल, सिस्नुपानी मकवानपुरका अध्यक्ष राजकुमार लामिछाने, साहित्य संगमकी अध्यक्ष अनिता न्यौपाने, मातृभूमि साहित्य समाजका अध्यक्ष माधव पोखरेल, सुदर्शन अधिकारी, सुवास खनाल, नेपाल प्रज्ञा प्रतिष्ठान साहित्य (पद्य) विभाग सदस्य शान्ति प्रियबन्दनालगायतको उपस्थिति रहेको थियो ।
साहित्य संगम/सिस्नुपानी नेपालको संयुक्त भवनमा सञ्चालित कार्यक्रमलाई मुक्तक मञ्च मकवानपुरका सदस्य अमृता लामिछानेले सहजीकरण गर्नु भएको थियो ।
०००
– संप्रस पौडेल
Subscribe
Login
0 Comments
Oldest
