नेपाली हास्यव्यङ्ग्य अनलाइन पत्रिका

दाङ, २०८२ कार्तिक २८ । राप्ती साहित्य परिषद् जिल्ला शाखा दाङले नियमित कृति समीक्षा कार्यक्रम अन्तर्गत १९७ औँ श्रृङ्खलामा साहित्यकार खगेश्वर भण्डारीको नविनतम कथा सङ्ग्रह “प्लाष्टिककको फूल” कथा सङ्ग्रहको घोराहीमा समीक्षा गरिएको छ।

परिषद्का अध्यक्ष यम रेग्मीको अध्यक्षता तथा संस्कृत विश्वविद्यालय सांस्कृतिक विभागका प्रमुख निर्देशक डा.टीकाराम उदासीको प्रमुख आतिथ्यता तथा राप्ती साहित्य परिषद् केन्द्रका सल्लाहकार पुरुषोत्तम खनालको विशिष्ट अतिथ्यतामा कार्यक्रम सम्पन्न गरिएको थियो।

प्लाष्टिकको फूल कथा सङ्ग्रहको समीक्षा समालोचक तथा साहित्यकार प्रमोद धितालले गर्नुभएको थियो । भण्डारीको कथा सङ्ग्रह हरेक दृष्टिकोणले पठनयोग्य रहेको बताउनुभयो। प्लाष्टिकको फूल कथा सङ्ग्रहमा १२ वटा कथा रहेका छन् । जसलाई अक्षरधाम नेपाल प्रकाशनमा ल्याएको छ ।

कार्यक्रममा कथाकार भण्डारीले कथा लेख्दाका तथा कथा प्रकाशन गर्दाका अनुभवहरू सुनाउनुभएको थियो।

सर्वोदय पुस्तकालय तथा वाचनालयका अध्यक्ष सुशील गौतम, राप्ती साहित्य परिषद् केन्द्रका सल्लाहकार पुरुषोत्तम खनालले शुभकामना मन्तव्य तथा स्रष्टा भण्डारीलाई बधाई दिनुभएको थियो।

परिषद्का उपाध्यक्ष सुरेशकुमार पाण्डेको स्वागत मन्तव्यबाट शुभारम्भ भएको कार्यक्रमको सञ्चालन सचिव घनश्याम केसीले गर्नुभएको थियो।

०००
सुरेशकुमार पाण्डेकाे साैजन्यमा