नेपाली हास्यव्यङ्ग्य अनलाइन पत्रिका

जानकी र श्यामप्रसाद मिश्रका सुपुत्र हृदयप्रसाद मिश्र २०१९ साउन २० गते ढाकाटोल, काठमाडौंमा जन्मिनुभएको हो । आई.कम. सम्मको औपचारिक अध्ययन पूरा गरेका मिश्र सरकारी सेवामा सम्वद्ध हुनुहुन्छ । २०३८ सालमा ‘आत्मचिन्तन’ प्रकाशित गरी नेपाली साहित्यमा प्रवेश गर्नुभएका मिश्रको पहिलो कृतिको रूपमा ‘पपू मदुम्ह झंगः (नेपालभाषा, हास्यव्यङ्ग्य, २०४६) प्रकाशन भएको थियो । उहाँका ‘उद्घाटन’ (२०४७), ‘च्वाँक’ (२०५१), ‘क्वायेभु’ (२०५३), लगायत नेवारी र नेपाली हास्यव्यङ्ग्यका पुस्तकहरू प्रकाशित भएका छन् । मिश्र ठाकुरलाल पुरस्कार (२०५३), वीरेन्द्र ऐश्वर्य सेवा पदक (२०५८) लगायत पुरस्कार तथा सम्मानबाट पुरस्कृत, सम्मानित हुनुहुन्छ ।