नेपाली हास्यव्यङ्ग्य अनलाइन पत्रिका

पी पी कोइराला :

गुडिरहेको गााडीभित्र एक जना बुढाबा (पेसेन्जर)ले ड्राइभरलाई झपार्दै भने,“भाई मैले धेरै बेर सम्झाई सकेँ, अब साउण्ड कम गरेनौ भने ठिक हुँदैन ?”
खलासी पो बम्कियो, “हाम्रो गाडी हो । हामी जति सुकै सारो गीत बजाउँ, तपाईंलाई के खाँचो, बाजे ? आज एकदिन को पेसेन्जर त हो नि तपाईं ।”

यो सुनिसकेपछि एउटा युवा (पेसेन्जर) लाई झनक्क रिस उठ्यो र उसले सारसाह्रो आवाजमा खलासीलाई थर्काउँदै भन्यो, “ओए खलासी ! भाडा तिरिसकेपछि गन्तव्यसम्म नपुगुञ्जेल यो गाडीमा पेसेन्जरको पनि अधिकार हुन्छ भन्ने थाहा छैन तँलाई ? अरुलाई डिस्टर्ब हुनेगरि बजाउँछस?कि दिउँ मुख बाङ्गिने गरि ?”

बुढा बाजेले युवा पेसेन्जरको सपोर्ट पाएपछि खलासीको सात्तो लिने गरि करायो, “जस्ता सत्ताधारी त्यस्तै ड्राईभर खलासी, लाजपचेकाहरू !”

०००
धरान