नेपाली हास्यव्यङ्ग्य अनलाइन पत्रिका

साधुराम खड्का :

अन्धकार त्यो समयलाई
जुनकीरीको बत्ती नै काफी हुन्छ
मुसा जति ठूलो भए पनि त्यसलाई
भगाउन बिरालोको बच्चै काफि हुन्छ
बीड जति तातेपनि तरकारी पाक्न
कराई नै काफि हुन्छ
तराईमा जति उफ्रन्छौ उफ्र छिमेकी
तिमीहरूलाई त्यहिँ काफि हुन्छ
त्यहाँको तेल र ग्याँस जति सक्छौ रोक
हिमाली पानी नै पनि हामीलाई काफी हुन्छ
गए जाला यो नश्ल शरीर हाम्रो
तिम्रा अगाडि यो ढाकाटोपी शिर नै काफि हुन्छ
त्यहाँको बन्द तिमीहरूको हातमा रैछ
उपत्यका चै नछिरे हुन्छ कदापि
बन्द यदि उपत्यकामा गर्छौ भने
नवदुर्गाको प्रसाद झैं राँगाको सुकुटी
औंशी पूर्णेमा धूप हाल्न तिम्रो पनि काफि हुन्छ
आफ्नो ईलाकामा त कुकुर पनि शेर बन्छ
बन्द गर्न काठमाडौं नछिर साथी
यहाँ त बिरालै पनि तिमीलाई काफि हुन्छ।

०००
बुढानिलकण्ठ, काठमाडाैं