निर्वाचन प्रचार सामाग्री

बा !

तर पनि बा ! किन रिस पोख्दैनौ मलाई किन लडिरहन्छौ दुःख र अभावसँग किन चुपचाप हिडिरहन्छौ पानी र झरीमा ?

बा !
म अग्लिन चढ्ने तिम्रो काँध
बुढेसकाल लागे सँगै निहुरियो
आज भोलि तिमी अग्लो हुन नसक्दा
टाढा टाढा देख्न नसक्दा
मलाई कति सम्झन्छौ होला है ?

मलाई तिम्रो औंला समाएर
तातेताते हिँड्न सिकाउँथ्यौ
म लडदा चिच्याएर रुन्थेँ
तिमी उठाएर भुलाउँथ्यौ
अहिले तिम्रा खुट्टा फतक्कै गलेर
भित्ता र लौरो समाउँदै हिँड्दा
दमले बेस्सरी च्यापेर औषधी नभेट्दा
तिमीलाई मेरो आवश्यकता कति पर्छ होला है ?

हामी कहिँ कतैबाट आउँदा
सधै आमा खोइ भन्छौ
आमालाई साथी जस्तै सम्झन्छौ
बजार जाँदा आमालाई चुरा लिँदै गर्दा
तिमीलाई टोपी कहिलै ल्याइदिन्नौँ
आमाकै गीत र गुणगान गाउँछौँ
बा तिमी कत्ती सहनशील छौ है
छोराछोरीले गरेको विभेद विरुद्ध कहिले बोल्दैनौ
कहिलै मन दुखाउदैनौ

म तिम्री छोरी हुनुमा सधै गर्ब गर्छु बा
तिमी रक्सी पिउँथ्यौ तर
परिवारको खुसीलाई सितन कहिलै बनाएनौ
तिमी सुर्ती माडेर खान्थ्यौ
तर हाम्रा सपनालाई चुना कहिलै लगाएनौ

तर पनि बा !
किन रिस पोख्दैनौ मलाई
किन लडिरहन्छौ दुःख र अभावसँग
किन चुपचाप हिडिरहन्छौ पानी र झरीमा ?

बा !
तिम्रो मुख हेर्न लायक भएर
तिमीलाई सोध्न मन छ
तिम्रो सपना के थियो ?
तिमीलाई रमाउन मन लाग्छ कि नाईं ?
तिमी किन कहिलै थाकेनौ दुःखहरूसँग ?
किन कहिलै भागेनौ जिम्मेवारीसँग ?
०००
पोखरा

निर्वाचन सचेतना
फित्काैलीको सूचना
बागमती प्रदेश सञ्चार कार्यालय लामो
एक भोट विक्रीमा छ

एक भोट विक्रीमा छ

लक्ष्मी अर्गेजा मगर
वर्तमानका बा आमाहरू

वर्तमानका बा आमाहरू

कृष्णशरण उपाध्याय पाैडेल
बुढ्यौली ‘खोरिया’

बुढ्यौली ‘खोरिया’

सुरेश चन्द्र घिमिरे
बृद्धाश्रमको पुकार

बृद्धाश्रमको पुकार

निर्मल पराजुली
बुढ्यौलीपन

बुढ्यौलीपन

रामशरण न्याैपाने
बिचरा बा

बिचरा बा

हेमराज अधिकारी