साइबर अपराध सम्बन्धी सचेतना सामग्री

बुढ्यौली (काव्य शृङ्खला – ५७)

अवस्था सँगैमा भएका बुढ्यौली व्यवस्था सँगैमा चढेका बुढ्यौली बुढ्यौली कुनै स्वास्थ बिग्रेर हुन्छ सबैका व्यथा राष्ट्रले बुझ्नु पर्छ ॥

Nepal Telecom ad

देवीप्रसाद मिश्र :

देवीप्रसाद यसो भन्छ-
बुबाका कुरा नित्य सुन्दै म आज
हिँडेको छु छाडी सबै कामकाज
निकालेर छाड्ने छु निष्कर्ष खास
बुबा ढुक्क मान्नू नहोऊ निराश ॥३५४॥

मगन्तेहरू छन् कुनै कर्महारा
कुनै बाध्यताका त्यसै सर्वहारा
समस्या यिनी राष्ट्रका मान्नुपर्ला
छ सत्ता सँगैमा समाधान गर्ला ॥३५५॥

कुनै मूर्खताले नसामा फसेका
कुनै बाध्यताले त्यतै अल्झिएका
उठाई समस्या म राख्दै छु बात
कुनै कालमा फिर्न सक्ला प्रभात ॥३५६॥

विलासी पनामा कुनैले कुबाटो
लिएको छ आफैँ भरे देख्छ बाटो
भला व्यक्तिको राष्ट्रमा छैन खाँचो
पला फर्किएला कलामा छ साँचो ॥३५७॥

बुबा चित्त आफ्नो नपारौँ भरङ्ग
म ल्याएर छाड्ने छु केही तरङ्ग
खुलोस् वृद्धका भावनामा प्रभात
यसै कामनामा छ देवीप्रसाद ॥३५८॥

सहाराविनाका अपाङ्गा बिरामी
कुनै वृद्धवृद्धा नपाई सिरानी
सदा तड्पिएका धराधामभित्र
नियाल्दै गरोस् राष्ट्रले यो सचित्र ॥३५९॥

मगन्ते घुमन्ते तथा भातमारा
ठगी कार्यका यी सदा कर्महारा
गरीखान सक्ने बनाएर सारा
छरोस् राष्ट्रले आँगनीमा सितारा ॥३६०॥

जँड्याहा गँज्याहा नसापान गर्ने
बिगारेर बानी थलामा चहार्ने
यिनी राष्ट्रका भार ठान्दै निकाय
जुटोस् सामनामा लिई सत्य राय ॥३६१॥

अवस्था सँगैमा भएका बुढ्यौली
व्यवस्था सँगैमा चढेका बुढ्यौली
बुढ्यौली कुनै स्वास्थ बिग्रेर हुन्छ
सबैका व्यथा राष्ट्रले बुझ्नु पर्छ ॥३६२॥

वयोवृद्ध हुन् वृद्धमा सर्वमान्य
छ कर्तव्य सम्पूणर्मा झन् अगण्य
उदाऊन् सबैका थलामा प्रभात
यसै कामनामा छ देवीप्रसाद ॥३६३॥
क्रमशः

०००
काठमाडौं

Subscribe
Notify of
guest

0 Comments
Oldest
Newest Most Voted
Nepal Telecom ad
विवश छन् सहयोग छिटो गरौँ

विवश छन् सहयोग छिटो...

देवीप्रसाद मिश्र
बुबाका आमाका अनुभव …

बुबाका आमाका अनुभव …

देवीप्रसाद मिश्र
यी ज्येष्ठ नागरिकमा छ सदा प्रणाम

यी ज्येष्ठ नागरिकमा छ...

देवीप्रसाद मिश्र
सबै पाका मान्छे

सबै पाका मान्छे

देवीप्रसाद मिश्र
अब आसिकले परिपूर्ण भयौँ 

अब आसिकले परिपूर्ण भयौँ 

रामशरण न्याैपाने
बुढाबुढी समस्तको

बुढाबुढी समस्तको

कविराज घिमिरे
नारी एकल छन् भने सकसमा …

नारी एकल छन् भने...

इन्दिरा प्रयास
अब आसिकले परिपूर्ण भयौँ

अब आसिकले परिपूर्ण भयौँ

दीनानाथ पाेखरेल
0
Would love your thoughts, please comment.x
()
x