नेपाली हास्यव्यङ्ग्य अनलाइन पत्रिका

देवीप्रसाद मिश्र :

सङ्कल्प सत्य जप्तै, सन्तानका निमित्त ।
सम्भाव्य खाेज गर्छन्, लाएर दत्तचित्त ।।
जीवन्त साधनामा, बन्छन् पराेपकारी।
हुन् वृद्ध श्रेष्ठ हाम्रा आदर्शका छहारी ।।१।।

बन्दै दलान आफैँ, थाम्दै अमाल सारा ।
चम्काउँदै, उज्याला, सत्कर्मका सितारा।।
गाेडेर राख्न सक्ने, उद्यान फूलबारी ।
हुन् वृद्ध श्रेष्ठ हाम्रा, आदर्शका छहारी ।। २ ।।

कर्तव्यबाेध गर्दै बाँड्छन् विचार शुद्ध।
अज्ञानता बढार्छन् छन् ज्ञानका प्रबुद्ध ।।
आलाेक सभ्यता वा, संस्कारका पुजारी ।
हुन् वृद्ध श्रेष्ठ हाम्रा, आदर्शका छहारी ।।३।।

छन् साेच अग्रगामी सङ्कीर्ण छैन बानी।
बर्सिन्छ प्रष्ट वाणी, दृष्टान्तमा इमानी।।
प्रत्यक्ष ईश जस्तै, आल्हाद ज्ञान धारी।
हुन् वृद्ध श्रेष्ठ हाम्रा, आदर्शका छहारी ।।४।।

अन्याय न्याय हेर्ने, चाैडा बनाई छाती।
ठान्छन् समाज घाती, जाे हुन्छ पक्षपाती ।।
सम्मान गर्न जानाैँ कर्तव्यमा नहारी।
हुन् वृद्ध श्रेष्ठ हाम्रा, आदर्शका छहारी ।।५।।

०००
साेह्रखुट्टे, काठमाडाैं