नेपाली हास्यव्यङ्ग्य अनलाइन पत्रिका

देवीप्रसाद मिश्र :

ओढेर शुभ्र घुम्टाे पार्दै सफा ललाट।
अग्ला हिमाल हाँस्छन् हेरेर काँठ फाँट।।
बर्सेर शीत धेरै अत्यास बल्झिँदै छ।
पाकाहरू बचाऔँ हेमन्त उर्लिँदै छ ।।१।।

साैता समान ठान्दै,ठेल्दै शरद् पछाडि।
हाँक्दै छ नित्य गाडी दाैडाउँदै अगाडि।।
संसार, जित्न सक्ने साेचेर कुर्लिँदै छ ।
पाकाहरू बचाऔँ हेमन्त उर्लिँदै छ ।।२।।

श्री सूर्य छेक्छु भन्दै गर्दै घमन्ड रास।
पार्दै छ वृद्धवृद्धा तड्पाउँदै निराश ।।
कब्जा धरा म गर्ने ठानेर बुल्किँदै छ ।
पाकाहरू बचाऔँ हेमन्त उर्लिँदै छ ।।३।।

छन् लाेकमा समस्या भाेका भँडार रुन्छन्।
हेमन्त चाड मान्दै काेही अजीर्ण हुन्छन्।।
न्यानाे लुगा नभेट्दा निर्धाे सदा रुँदै छ।
पाकाहरू बचाऔँ हेमन्त उर्लिँदै छ ।।४।।

सत्ता छ देश हाँक्ने ,नारा छ लाेकतन्त्र।
फेरिन्छ रूप मात्रै भुल्दै छ शुद्ध मन्त्र ।।
सम्पन्न राष्ट्र बन्ने सङ्कल्प बिग्रिँदै छ।
पाकाहरू बचाऔँ हेमन्त उर्लिँदै छ ।।५।।

०००
काठमाडाैं