नेपाली हास्यव्यङ्ग्य अनलाइन पत्रिका

जुनू घिमिरे :

अलिकता रसिलो र मिजासिलो।
सरल शान्त दयालु सुबासिलो।।
हृदय स्वच्छ सफा तनु होस् सुधा ।
सफल बन्दछ वृद्ध खुसी सदा।।

छ नवरत्न सरी गुण गाथमा।
विनय हुन्छ सदा मृदु साथमा ।।
प्रकृति झैँ रमणीय हियो भए।
सफल बन्दछ धीर सदा रहे।।

रस बिना फल लागिदिए पनि।
छुन कहाँ मन लाग्दछ त्यो अनि।।
मधुरता समता गुणकार हुन् ।
सफल जीवनका सब सार हुन् ।।

असल मानिस हुन्छ सदा गुणी
कमल झैँ जलको महिमा बनी।।
विषय ज्ञान र शास्त्र बुझेपछि।
शिखर चुम्दछ वृद्ध भए पनि।।

महक गुप्त छ चन्दन वृक्षमा।
ठहरियो गुनिलो रुख वर्गमा।।
पवनकै गतिमा पथ जो भए।
सफल हुन्छ सुमार्ग हुँदै हिँडे।।

०००
दुवाकोट भक्तपुर