डा. भीम खतिवडायुरियाले सप्रिनुको के अर्थ !
न घाम न जूनसँग मुस्कुराउने ओठ दियौ काेइलीले निर्धाे काग सम्झिनुको के अर्थ ! जीवनभरि कुसुलेकाे पुतलीझैं नचाएर तिमी महाबली "भीम" भन्दिनुको के अर्थ !
डा.भीम खतिवडा :
खरानीको थुप्रोमाथि उफ्रिनुको के अर्थ !
अवसरको युरियाले सप्रिनुको के अर्थ !
पिरतीका मीठा गीत गाउँछन् परेवाले
चिहानमा सयपत्री फक्रिनुको के अर्थ !
छातीभित्र आँखा हुन्छ, आँखाभरि मुटु
फूलअघि गोही–आँसु तप्किनुको के अर्थ !
न घाम न जूनसँग मुस्कुराउने ओठ दियौ
काेइलीले निर्धाे काग सम्झिनुको के अर्थ !
जीवनभरि कुसुलेकाे पुतलीझैं नचाएर
तिमी महाबली “भीम” भन्दिनुको के अर्थ !
०००
धरान
Subscribe
Login
0 Comments
Oldest
