नेपाली हास्यव्यङ्ग्य अनलाइन पत्रिका

देवीप्रसाद मिश्र :

बितायाैँ धेरै नै जिन्दगीका बहार।
न यात्रामा मान्याैँ लक्ष्यमा पुग्न हार।।
दिँदै अर्ती राम्रो साथ सन्तानलाई।
सँगै हाँस्दै बाचाैँ वृद्ध जाेडी रमाई।।१।।

सुनाैलाे धर्तीमा जन्म नै भाग्य हाम्रो ।
जमे नातागोता नित्यता लाग्छ राम्रो ।।
हुनेगर्छन् भेला आपसी बारबेला ।
भराैँ हाँस्दै खेल्दै साथमा वृद्धमेला ।।२।।

नयाँ पुस्तालाई साथका कार्यभार ।
लगाएमा जिम्मा अन्त्यमा हुन्न हार ।।
अझै राम्रो राख्दै मुक्तिकाे मार्ग गाेडी।
खुसी साट्दै,बाँचाैँ साथमा वृद्ध जाेडी।।३।।

निराशाकाे भारी खास टाढा बिसाई ।
बुढ्याैलीकाे गाडी साथ हाँक्दै रमाई ।।
पला गन्दै साँचो, साेच राखेर दामी।
कला छर्दै बाँचाैँ साथमा वृद्ध हामी ।।४।।

मिलेका साथीझैँ वृद्धवृद्धा अनन्य।
नियाली साथैमा लाेकले मान्छ धन्य।।
छ बाटेकाे राम्रो कर्मले प्रेमडाेरी ।
समाई हिँड्ने हाे साथमा वृद्ध जाेडी।।५।।

०००
काठमाडाैं