नेपाली हास्यव्यङ्ग्य अनलाइन पत्रिका

ढाकामोहन बराल :

घाम कौसीमा आइसकेको थियो । जुगल हिमाल पनि देखिएको थियो सायद केही दिन यता मौसममा सुधार आएछ कि । पार्टीलाई सहयोग गरेपछि पाएको पदले काठमाडौंको बसाइ रमाइलो भएको थियो ।

“साह्रै बेइज्जत गरिस्यो हिजो । मलाई त कस्तो लाज भयो ।” उर्मिलाले भनिन् । “के के भयो पत्तो पाइन मैले त ।” उमेशले भने । “कताबाट नरेशबाबु भेट हुनु भयो र झटपट् कारमा राखियो ।” उर्मिलाले भनिन् । “तिमीले के गर्‍यौ ?” उमेशले सोध्यो ।

“हजुरको त्यस्तो हालत भए पछि के गर्नु, फर्कियो नि ।” उर्मिलाले भनिन् । “ल ल कहिलेकाहीँ हुन्छ यस्तो । बरू तातोपानीमा कागती राखेर ल्याउ त ।” उसले उर्मिलालाई अह्रायो । “मैले भन्दिया छु । अब यस्तो बेइज्जत नगरिस्यो है ।” उर्मिलाले भनिन् ।

विचरा उमेश पनि के गरोस् कक्टेल् पार्टीमा महङ्गो महङ्गो विदेशी रक्सी राखेका हुन्छ्न् । सित्तैमा पाएपछि छोड्न मन नै मान्दैनन् ।

०००
पोखरा -७ मासबार, कास्की