नेपाली हास्यव्यङ्ग्य अनलाइन पत्रिका

ढाकामोहन बराल :

विद्यालयमा धेरै हल्ला खल्ला हुन थालेको थियो । शिक्षक कक्षामा पसेपछि शान्त भएका विद्यार्थी शिक्षक निस्केपछि पुनः हल्ला गर्न शुरु गर्थे । बस्ने ठाउँको लागि ठेलमठेल गरि रहन्थे ।

सबै कक्षाहरुमा उस्तै समस्या थियो । “आजभोलि बास बस्न लागेका कागले बाँसको घारीमा हल्ला गरे जस्तो धेरै हल्ला हुन थाल्यो । के भएको हो ?” प्राचार्यले आफ्नो कार्यकक्षमा सबै शिक्षकको अगाडि भन्नु भयो । “के गर्नु सर मिलाएर राख्यो । बेन्चमा बस्नको लागि ठेलमठेल गर्न शुरु गरिहाल्छ्न् ।” हरि सरले भन्नु भयो ।

“डेस्क बरू अर्को आर्थिक वर्षमा किनौँ, बस्ने बेन्च त सबै विद्यार्थीलाई पूरा गरौँ भन्ने सबैको सल्लाह भएबमोजिम खरिद गरेको हो । पुग्दैन र कुनै कक्षामा ?” उहाँले भन्नु भयो । “पुगेको छ तर के गर्नु, सबैले एउटै बेन्च ताकेपछि ।” निर्मल सरले भन्नु भयो ।

कुरा नबुझेर प्राचार्यले सबैको मुखमा हेर्नु भयो । “के गर्नु सर सबै विद्यार्थी मुख्य मन्त्री भएर सफल हुन चाहन्छन् । खरिदार भएर के असफल हुनु भनेर सबै लास्ट बेन्चमा मात्र बस्न खोज्दछ्न् ।” हरि सरले प्रस्ट पार्नु भयो ।

०००
पोखरा ७ मासबार, कास्की