रुद्र ज्ञवालीपाँच ठोक्तक
भगाउने भए आफैभित्रका मनोविकार भगाउनुस् सक्नु हुन्छ भने वैलाएका मानसिकता जगाउनुस् नौटङ्कीमा महारथ प्राप्त पोछा विशेषज्ञ महोदय भुइँमा होइन प्रदूषित मस्तिष्कमा पोछा लगाउनुस् ।
रुद्र ज्ञवाली :
१.
कतै राम रहमान र यशोधरा सीता सजिन्छन्
कतै मुन्धुम कुरान बाइबल र गीता सजिन्छन्
कस्तो बिचित्रको बहुमुखी आयाम जिन्दगीको
कतै तामदान सजिन्छन् कतै चिता सजिन्छन् ।
२.
बिग्रेको संरचना सपार्न बनाउन असाध्यै सकस
मनको मामिला भन्न र जनाउन असाध्यै सकस
पराइका मनलाई फकाउन बरू सजिलो होला
आफ्नै मनलाई फकाई मनाउन असाध्यै सकस ।
३.
भगाउने भए आफैभित्रका मनोविकार भगाउनुस्
सक्नु हुन्छ भने वैलाएका मानसिकता जगाउनुस्
नौटङ्कीमा महारथ प्राप्त पोछा विशेषज्ञ महोदय
भुइँमा होइन प्रदूषित मस्तिष्कमा पोछा लगाउनुस् ।
४.
अझै भत्किनेछ वर्तमान तन्नम र झुत्रोझाम्रो हुनेछ
पर्खनुस् केही धैर्य गर्नुस् आउने समय हाम्रो हुनेछ
ढाक्नु हुन्न खोजौँ फोहर प्रदूषण सार्वजनिक गरौँ
आज नराम्रो लागे पनि भोलि अवश्य राम्रो हुनेछ ।
५.
अरुले मानोस् नमानोस् आफूले आफैलाई मान्ने हुनु हुन्छ
इमान्दार छ भने खुट्टा तान्ने गुलामको हात तान्ने हुनु हुन्छ
आफै शास्त्र उहाँ आफ्नै शास्त्रार्थ कुनै तर्क वितर्क गर्दै नगर्नू
शासन प्रशासन दण्ड पुरस्कार उहाँ सबैथोक जान्ने हुनु हुन्छ ।
०००
भैरहवा
