नेपाली हास्यव्यङ्ग्य अनलाइन पत्रिका

ढाकामोहन बराल :

“सबैले मागे पछि हामी पनि मागौँ ।” एउटाले भन्यो ।

“कसरी माग्नु हो । माग्न सुहाउँदो सङ्ख्या पनि हुनु पर्‍यो नि” अर्कोले भन्यो ।

“जोड्दा पो कम हो भत्काउन परेमा हामी पनि कम हुँदैनौँ ।” अघिदेखि कुनाको कुर्चीमा बसेकोले भन्यो । सबैको अनुहार हँसिलो देखियो ।

“उनले पनि कतिलाई बाँड्ने हो अब ?” दोस्रो लहरमा बसेकोले भन्यो । “आफ्नो नजाने, खल्तिबाट झिक्दै बाँड्न पाउने भए पछि जसलाई पनि बाँड्दछ्न् ।”

“ल निर्णय  लेखौँ ।” अध्यक्षज्यूले भन्नु भयो । बैठक सकिएपछि बाहिर पत्रकारलाई निर्णय सुनाइयो ।

“ ….वर्तमान गठबन्धन सरकारमा उपप्रधानमन्त्री सहित हाम्रो दल पनि सहभागी हुने ….।”

०००
पोखरा ७ मासबार, कास्की ।