ढाकामाेहन बरालगाँस
अखबारको समाचार देखेर एक पटक आफ्नो कुर्ची हेर्नु भयो । अखबारमा समाचार छपिएको थियो “छोटा र कमजोर बाँस गाँसेर बनाएको खट भत्किँदा कामदार खस्न पुगे ।”
ढाकामोहन बराल :
“लामो बाँस नभए पछि गाँसेर बाध्नै पर्यो ।” खट बनाउँदै गरेको हर्कमानले भन्यो ।
“यस्ता टुकुने बाँसबाट बनाएको खट त धेरै कमजोर हुन्छ ।” बाटोमा हिँड्दै गरेको बटुवाले पनि भन्यो ।
“यस्तो खटमा चढेर कसरी काम गर्ने हो ? धानिएर बस्न नै मुस्किल छ ।” भित्तामा पलास्टर गर्ने मान्छे आत्तियो ।
“लामा लामा बाँस बाङ्गा र टेडा भए छोटा बाँस गाँस्नुको विकल्प नै के छ र ? जसरी पनि काम चलाउ अब ।” नरिवलको डोरीले खट बाँध्दै हर्कमानले काम गर्ने मान्छेलाई भन्यो ।
पाँच दिन पछि मुख्यमन्त्रीज्यू आफ्नो कार्यकक्षमा बसिरहनु भएको थियो । अखबारको समाचार देखेर एक पटक आफ्नो कुर्ची हेर्नु भयो । अखबारमा समाचार छपिएको थियो “छोटा र कमजोर बाँस गाँसेर बनाएको खट भत्किँदा कामदार खस्न पुगे ।”
०००
पोखरा ७ मासबार, कास्की ।
