नेपाली हास्यव्यङ्ग्य अनलाइन पत्रिका

रमेश समर्थन :

विद्यालयमा छात्रवृत्ति वितरण भयाे । त्याे छात्रवृत्ति खास गरेर दलित समुदायका छात्रछात्राका लागि थियाे ।
भाेलिपल्ट म कार्यकक्षमा थिएँ । एकजना अभिभावक छाेरीलाई अघि लाएर दनदनाउँदै भित्र पसे र बम्के, “के हाे हेडसर ! यसरी पच्छेपात गर्न पाइन्छ ? म तपाईंमाथि उजुरी हाल्छु ।”

रिस त मलाई पनि उठेकाे थियाे तर नियन्त्रण गरेर भनेँ, ” पहिला त्यहाँ बस्नुस् अनि भन्नुस्, के भन्न खाेज्नुभएकाे हाे ?”

“म बस्दिनँ यस्ता भ्रष्टकाे साेफामा । मलाई जवाफ चाहियाे । हैन भने म उजुरी गर्छु ।”

अब भने मेराे पनि पाराे तात्याे । मैले भनेँ, “पहिले त मुख सम्हालेर बाेल्नुस् । भ्रष्ट भनेकाे के हाे ? बुझेर बाेल्नुस् । अब भन्नुस, तपाईंमाथि कहाँ पक्षपात भयाे र कुन कुराकाे उजुरी गर्ने धम्की दिनुभएको हाे ?”

“हिजाे अरूले छात्रवृत्ति पाउँदा मेरी छाेरीलाई किन  दिइएन ?”

” त्याे त दलित विद्यार्थीले मात्र पाउने छात्रवृत्ति थियाे त तपाईंले कसरी पाउने ?”

“म दलित त हाे नि । म दलित भएपछि मेरी छाेरी दलित भइन ?”

मैले कक्षाशिक्षकलाई बाेलाएर निज छात्राकाे भर्ना विवरण हेर्न लगाएँ र भनेँ, “तपाईंले कतै पनि दलित भनेर लेख्नुभएको छैन । थर घिमिरे छ । फर्ममा दलित भन्ने ठाउँमा काटिएको छ । अनि तपाईं भन्नुहुन्छ दलित हुँ भनेर । हामीले कसरी थाहा पाउने ?”

“समाजमा बाँच्नु पनि त पर्ने हाेला नि !”
यसपछि उनी निस्केर गए, मैले न राेक्न सकेँ न बाेल्न सकेँ ।

०००
रूपन्देही