नेपाली हास्यव्यङ्ग्य अनलाइन पत्रिका

भगवान साह्रै ब्यस्त हुनुहुन्छ
कहाँ आफै आउनुहुन्छ
भगवानले त काम अनुसार
मान्छे खटाउनुहुन्छ
कहिले कस्लाई पठाउनुहुन्छ
कहिले कस्लाई पठाउनुहुन्छ

जो योग्य छ, भरपर्दो छ
उसलाई मात्रै अह्राउनुहुन्छ
भगवान हुनुहुन्छ जताततै
तपाइँ किन डराउनुहुन्छ ?

जाँच लिनहुन्छ बेलाबेलामा
श्रेणी छुट्याउनुहुन्छ
बरु प्रश्न नै नबुझेर
तपाईं नै अलमलिनुहुन्छ
नतिजा ढिलो हुन्छ, कहिलेकाँही
भगवानले पनि छुट्टी मनाउनुहुन्छ

भगवान् अनेक रुपमा आउनुहुन्छ
अनेक लीला देखाउनुहुन्छ
मौका त दिनुहुन्छ सबैलाई
औकात अनुसार
बरु तपाईंंले नै
मौका गुमाउनुहुन्छ

थाप्नै सकिन्न दुईहातमा
जब भगवानले दिनुहुन्छ
रोक्नै सकिन्न दुईहातले
जब भगवानले लिनुहुन्छ
लाठी, देखिन्न भगवानको
कुन दिन बजाउनुहुन्छ ।

हाल, बेलायत