नेपाली हास्यव्यङ्ग्य अनलाइन पत्रिका

अलमल किन हो पात्र दुत्कार्न पारे
खलबल दलको लुट्न सत्कार्य हो रे
किन किन खलको कार्य दुष्कर्म ठान्छे
लुटपुट कसको सम्झना गर्छ मान्छे । १

हुलमुल सबको खै त आभार के हो
रमझम नहुने कुन्नि आधार के हो
जबजब रमिता गर्नुको शार खान्छे
दलबल हलिया प्रार्थना गर्छ मान्छे ।२

हुलुहुलु सपना लाख बाँड्दैछ चोरी
मलजल नहुने पत्रु छान्ने अघोरी
घरघर घटिया दाश डुल्छन् कुमान्छे
लतपत भरिया सम्झना गर्छ मान्छे । ३

अझ कति दिन हो लाञ्छना दुख्छ चर्को
हरपल अवनिमा चोरको हुन्छ लर्को
महसुर चलन यो भोट माग्दैछ भान्छे
झुटमुट शकुनी सम्झना गर्छ मान्छे । ४

वरपर भतुवा चोरको लाग्छ घेरो
खलबल सतुवा मुर्खको लुब्ध फेरो
निशदिन सविता काल यो जाग्छ ठान्छे
पलपल घरको सम्झना गर्छ मान्छे । ५

खलखल पसिना झार्नमा डुब्छ जालो
दिगमिग मसिना दुख्दछन् बन्छ कालो
तिहुन अगतिला पाक्दछन् दिन्छ भान्छे
लहर विगतका सम्झना गर्छ मान्छे । ६

भरतपुर, चितवन