उत्तम विचारलुतो
गर्दछन् तिनै भष्म लेपन लुट्दछन् बसी राष्टको धन । साधु बन्दछन् वस्त्र ती धरी फैलियो लुतो फाल्नु के गरी ।
देशमा बढे भ्रष्टका जरा
डस्छ रोगले पर्छ झन् थला ।
राजनीतिको गन्ध बेसरी
फैलियो लुतो फाल्नु के गरी ।।१।
लड्दछन् पसी भित्र बाहिर
मिल्दछन् तिनै खान खातिर ।
पाप कर्मले मिल्छ के हरि
फैलियो लुतो फाल्नु के गरी ।।२।
आसमा कठै! बाँच्दछन् कति
दीनको सधैँ हुन्छ दुर्गति ।
हेर्दछन् बसी बोटमा चरी
फैलियो लुतो फाल्नु के गरी ।।३।
गर्दछन् तिनै भष्म लेपन
लुट्दछन् बसी राष्टको धन ।
साधु बन्दछन् वस्त्र ती धरी
फैलियो लुतो फाल्नु के गरी ।।४।
लोभ शत्रु हो, हैन मित्र यो
याद होस् यही दिव्य चित्र हो।
ग्रस्त बोट छन् रुग्ण मञ्जरी
फैलियो लुतो फाल्नु के गरी ।।५।
काठमाडौं
Subscribe
Login
0 Comments
Oldest
