डा. छायादत्त न्यौपाने ‘बगर’प्रयोगै प्रयोगको मञ्च !!
बिडम्बना अरूको उत्पादन परीक्षण निरीक्षण भई प्रमाण दिने शाला सधैं अरूको निम्ति प्रयोग प्रयोगै प्रयोगको विश्वमञ्च !
राजनीतिक प्रयोगशाला
कूटनीतिक प्रयोगशाला
कम्युनिस्ट प्रयोगशाला
काँग्रेस प्रयोगशाला
राजसंस्था प्रयोगशाला
मधेसीको प्रयोगशाला
कृषिनीति प्रयोगशाला
कृषि उत्पादन प्रयोगशाला
कोबिड खोप प्रयोगशाला
विद्युत प्रयोगशाला
कस्तो यो त
प्रयोगै प्रयोगको शाला
नवीनताको प्रयोगशाला
अन्यत्र थोत्रिएको प्रयोगशाला
तर खै कुन्नि कहाँ छ
विज्ञान प्रविधिको हाम्रो
आफ्नो आविष्कार
उत्पादन प्रयोगशाला ?
बिडम्बना अरूको उत्पादन
परीक्षण निरीक्षण भई
प्रमाण दिने शाला
सधैं अरूको निम्ति प्रयोग
प्रयोगै प्रयोगको विश्वमञ्च !
०००
पर्वत, हाल काठमाडौं
