रमेशचन्द्र घिमिरेहाँडी
सानी छँदा काली ठूली हुँदा काली, खट्टे भुट्ने हाँडी ल्याइयो यसैपालि, कुना खोज्दै बस्छे अँध्यारामा खालि, यसै थिई काली झनै भई काली ।
पहिले पनि काली अहिले पनि काली
मकै भुट्ने हाँडी ल्याइयो यसैपालि
चक्र घुमाएर माटो राखेपछि
गिलो-गिलो बन्यो पानी चाखेपछि
कुमालेले जब यसमा सीप दियो
गोलो आरीजस्तै आकार पनि लियो
काँचो हुँदा काली पाक्दा पनि काली
भट्ट भुट्ने हाँडी ल्याइयो यसैपालि
भट्टीबाट निस्की अगेनामा आई
धुवाँमुस्ले आगो खानुसम्म खाई
रातो-रातो जिउ तातो हुँदै गयो
हेर्दाहेर्दै रङ्ग फेरि कालो भयो
सानी छँदा काली ठूली हुँदा काली
खट्टे भुट्ने हाँडी ल्याइयो यसैपालि
कुना खोज्दै बस्छे अँध्यारामा खालि
यसै थिई काली झनै भई काली ।
०००
भोर्लेटार, लमजुङ
Subscribe
Login
0 Comments
Oldest
