नेपाली हास्यव्यङ्ग्य अनलाइन पत्रिका

छ पोखरी एक अनेक माछा
छन् भ्यागुता डिलमा बसेका ।
बनाउँदै छन् सरकार तौली
पुगेन धार्नी न पुग्यो बिसौली ।।१।

चुनाव आयो मत माग्न आए
हारे ठुलाले र भुरा रमाए ।
भन्छन् भयो मुस्किल लाज ढाक्न
पुगेन सङ्ख्या सरकार हाँक्न ।।२।

हिँडेन चाँडो कछुवा भनेर
आयो खरायो अति शीघ्र हेर ।
प्रधानमन्त्री सब खान खोज्ने
कोही भएनन् किन राष्ट्र पुज्ने ।।३।

यता छ हाँसो र उता छ पीडा
जित्ने र हार्ने बिचमा छ क्रीडा ।
बढ्दो छ चिन्ता तर छैन हर्ष
टिक्ला नटिक्ला अब पाँच वर्ष ।।४।

थुनेर संसद् अवरुद्ध पार्ने
होलान् किनी साम्सद ती थुपार्ने ।
यो खेलले देश रहन्न बुझ्नू
ठानेर माटो जननी छ पुज्नु ।।५।

दिएर आश्वासनमा भुलाए
हाँसेर आफू जनता रुलाए ।
चुसेर खाने यिनको छ नीति
होस् अन्त्य सामाजिक यो कुरीति ।।६।

०००
काठमाडौं